Ана холос! “Реал” кутган Мбаппени “Барселона” олади

“Пари Сен-Жермен” ҳужумчиси мавсум якунланиши билан Франция чемпионатини тарк этиши кутилмоқда. Ёш тўпурар парижликларнинг барча таклифларини рад этди ва бошқа чемпионатга ўтиш тадоригини кўрмоқда.

Мбаппега асосий даъвогар сифатида “Реал” тан олинган. Бироқ, “Барселона” асосий рақобатчисининг кучайиб кетишига йўл қўймоқчи эмас. Каталонияликлар Мбаппени ўз таркибига қўшиб олишни режалаштирган.

Бунинг учун улар футболчи “Барселона”ни танласа, 90 миллион евро миқдорида бонус ажратмоқчи. Каталонияликлар “Реал” Мбаппега 50 миллион евродан ортиқ бонус таклиф қила олмаслигига ишонмоқда ва бундан унумли фойдаланиб қолмоқчи.

Эслатиб ўтамиз, ПСЖ 2017 йилдан буён клуб шарафини ҳимоя қилиб келаётган 22 ёшли Мбаппени ёзги трансферларнинг сўнгги кунлари “Реал”га 170 миллион еврога сотмаган эди. Ёзда парижликлар билан амалдаги шартномаси якунланадиган ҳужумчи жорий мавсумда Франция чемпионатида ўнта учрашувда бешта гол урди ва тўртта голли пас оширди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
Sultanov Nodirbek
22/10/2021 18:26
Mbappe rozi boʻlmasa kk. U Real da oʻynashni koʻproq xohlaydi