Ана холос: “Реал” кутилмаганда “қария” футболчини оладиган бўлди

“Бавария” ва “Боруссия” каби Бундеслигада грандларидаги ўйини билан танилган Матс Хуммельс фаолиятини “Реал”да давом эттириш имконига эга бўлмоқда.

La Gazzetta dello Sport нашрининг маълум қилишича, мадридликлар эркин агент мақомига эга бўлган 35 ёшли ҳимоячи билан ҳамкорлик қилишни режалаштиряпти.

Бу “Қироллик клуби” таркибида ҳимоячилар етишмаётгани билан изоҳланмоқда. Хусусан, жамоа сардори Начо Фернандес Саудия Арабистонига ўтиб кетди, яна бир марказий ҳимоячи Давид Алаба оғир жароҳат туфайли узоқ муддатга сафдан чиққан.

Матс Хуммельсга асосан А Серия вакиллари – “Болонья”, “Рома”, “Комо” клубларидан чорлов бўлаётган эди. Бироқ ишга “Реал”нинг аралашиши кўп нарсани ўзгартириб юборади.