Ana xolos: “Real” kutilmaganda “qariya” futbolchini oladigan bo‘ldi
“Bavariya” va “Borussiya” kabi Bundesligada grandlaridagi o‘yini bilan tanilgan Mats Xummels faoliyatini “Real”da davom ettirish imkoniga ega bo‘lmoqda.
La Gazzetta dello Sport nashrining ma’lum qilishicha, madridliklar erkin agent maqomiga ega bo‘lgan 35 yoshli himoyachi bilan hamkorlik qilishni rejalashtiryapti.
Bu “Qirollik klubi” tarkibida himoyachilar etishmayotgani bilan izohlanmoqda. Xususan, jamoa sardori Nacho Fernandes Saudiya Arabistoniga o‘tib ketdi, yana bir markaziy himoyachi David Alaba og‘ir jarohat tufayli uzoq muddatga safdan chiqqan.
Mats Xummelsga asosan A Seriya vakillari – “Bolonya”, “Roma”, “Komo” klublaridan chorlov bo‘layotgan edi. Biroq ishga “Real”ning aralashishi ko‘p narsani o‘zgartirib yuboradi.
Fikrlar