Ана холос: “Сити” хўжайинлари Гвардиолага супертрансферни тақиқлади

“Реал” ҳужумчиси Винисиус Жуниорнинг клубдаги келажаги мавҳум бўлиб тургани Европанинг қатор клубларини унга бўлган қизиқишини ошириб юбормоқда.

Хусусан, бразилиялик юлдуз “Манчестер Сити”га кўчиб ўтиш имконига эга бўлган эди. Журналист Саша Тавольерининг маълумотига кўра, Винисиуснинг агентлари ўз мижозининг хизматларини “Манчестер Сити”га таклиф қилган.

Шунингдек, улар “шаҳарликлар” бош мураббийи Хосеп Гвардиола билан ҳам музокаралар ўтказиб, ўйинчини олиша кўндиришга ҳаракат қилган.

Испаниялик мутахассисга Винисиусни жамоага қўшиб олиш ғояси маъқул келган, бироқ “Манчестер Сити” раҳбарияти эътиборни бошқа футболчиларга қаратишга қарор қилган.

Винисиус Жуниор 2018 йилдан бери “Реал” сафида ўйнаб келмоқда. Унинг Мадрид клуби билан шартномаси 2027 йилнинг 30 июнига қадар мўлжалланган. Жорий мавсумда форвард 31 та ўйинда майдонга тушиб, еттита гол урди ва 11 та голли узатма берди.