Ana xolos! "Spartak" RPLda boshqa o‘ynamaydi

"Spartak" klubi xo‘jayini Leonid Fedun bugun "Sochi"ga (2:2) qarshi bo‘lib o‘tgan Rossiya premer-ligasi dastlabki tur bellashuvidan so‘ng o‘zini tutib tura olmadi.

Gap shundaki, sochiliklar Moskvadagi o‘yinda hakam tomonidan shubhali tarzda belgilangan 2 ta penaltidan kiritilgan gollar evaziga mag‘lubiyatdan qutilib qoldi. Moskvaliklarga alam qilgani, hakam ikkinchi penaltini uchrashuvning so‘nggi daqiqasida belgiladi.

“Biz chempionatda qatnashmaymiz, buni ertaga e’lon qilaman. Shunday yozing! Men bunday masxarabozlikda qatnashishni xohlamayman. Pul sarflashni ham xohlamayman. "Spartak" kerak bo‘lmasa, demak biz kerak emasmiz”, - deydi Fedun.