Ана холос! Суперлиганинг амалдаги чемпиони банкротлиги ҳақида эълон қилди

Хитойнинг "Цзянсу Сунин " клуби банкротлигини эълон қилди, деб хабар бермоқда CGTN.

Олдинроқ, клуб футболчиларга уч ойлик маош, шунингдек, Суперлига чемпионлиги унвонини қўлга киритгани учун бериладиган бонусдан қарздорлиги ҳақида хабар берилган эди.

Айтиш керакки, “Цзянсу Сунин” атиги тўрт ой олдин ўз тарихида биринчи марта Хитой Суперлигаси чемпионлигига сазовор бўлганди. Февраль ойи бошида эса, Хитой футбол ассоциацияси томонидан ҳомийлар брендидан клуб номида фойдаланишни тақиқлаш бўйича олиб борилган сиёсат туфайли клуб ўз номини “Цзянсу” ФК, деб ўзгартирган эди.