Ана холос: Том Аспиналл октагонга қайтмаслиги мумкин

Оғир вазн тоифасида UFC чемпиони Том Аспиналл октагонга қайтиш учун тиббий рухсат олмаган. Бу ҳақда унинг менежери ва промоутери Эдди Хирн маълум қилди.

"Томнинг UFC билан амалдаги шартномаси бор. Ҳозирги асосий савол — у қачон жангга қайтишга тайёр бўлади? Бу ерда гап унинг руҳий жиҳатдан тайёр ёки тайёр эмаслиги ҳақида кетмаяпти. Ҳаммаси тиббий комиссия қарорига боҳлиқ. У олган жароҳатлар жуда жиддий бўлгани учун, комиссия унга жанг қилишга рухсат бермаслиги ҳам мумкин", — деди британ промоутери "Matchroom Boxing" матбуот анжуманида.

Эслатиб ўтамиз, Аспиналл охирги бор 2025 йил 25 октябрь куни Сирил Ганга қарши октагонга кўтарилганди. Ўшанда француз 1 раундда Томнинг кўзига беҳосдан бармоқлари билан зарба бериб юборгач, баҳс бекор қилинган эди.