Ана холос: Хаби Алонсо “Челси”га Мбаппени олиб келади

“Челси”нинг янги бош мураббийи Хаби Алонсо шахсий алоқаларини ишга солгано ҳолда “Реал” ҳужумчиси Килиан Мбаппени Лондон клубига олиб келишни режалаштирди.

Франциялик ҳужумчи ҳам фаолиятини Англия Премьер-лигасида давом эттириши мумкин, деб хабар бермоқда Football365 нашри.

Манба маълумотига кўра, инглиз клуби аллақачон Мбаппенинг онаси билан боғланган. У айни пайтда футболчининг агенти ҳам ҳисобланади.

“Аристократлар”нинг янги мураббийи футболчи билан “Стэмфорд Бридж”да яна бирга ишлашни талаб қилмоқда. Испаниялик мутахассиснинг “Реал”да ишлаган пайтида Мбаппе билан муносабатлари яхши бўлган.

ПСЖдаги фаолиятини якунлаган Килиан Мбаппе 2024 йилнинг ёзида  эркин агент сифатида Мадрид клуби билан шартнома имзолаган эди. Келишув 2029 йил июнигача амал қилади.

Жорий мавсумда ҳужумчи “Реал” сафида барча мусобақаларда 43 та ўйин ўтказиб, 41 та гол урди ва еттита голли узатмани амалга оширди.

2026 йилнинг январида “Реал” бош мураббийлигидан истеъфога чиқарилган Хаби Алонсо 17 май куни расман “Челси” футбол клуби менежери этиб тайинлангани маълум бўлди.