Ана холос! Зиданнинг ўғли Жазоир терма жамоасида ўйнаши мумкин
"Реал" Мадрид клуби дарвозабони Лука Зидан ўз терма жамоасини ўзгартиришга қарор қилди. Бу ҳақда Marca нашри хабар тарқатмоқда.
Юқоридаги манбага кўра, 21 ёшли посбон Жазоир миллий терма жамоаси шарафини ҳимоя қилади. Айтиш керакки, у ҳозирда Франция ёшлар терма жамоаси аъзоси ҳисобланади.
Жазоир терма жамоаси бош мураббийи Жамель Бельмади Лукани ўз терма жамоасига ўтишга кўндирган.
Лука Зидан Франция терма жамоаси афсонаси, айни дамда “Реал” бош мураббийи Зинедин Зиданнинг ўғлидир. Энди у "ЖЧ-2022" саралаш беллашувларидан бошлаб Жазоир терма жамоасида ҳаракат қилиши мумкин.
Фикрлар