Анчелотта Бразилия терма жамоасида қанча маош олади?

Карло Анчелотти терма жамоалар орасида энг юқори маош оладиган мураббийлардан бирига айланади.

"Globo Esporte" маълумотларига кўра, италиялик мутахассис Бразилияда йилига 10 миллион евро олади. Бу "Реал" клубида унинг ҳозирги даромадига тахминан тенг.

Агар Анчелотти 2026 йилги жаҳон чемпионатида ғалаба қозонса, қўшимча 5 миллион евро мукофот пули олади.

Маълумот учун, 65 ёшли мутахассиснинг Бразилия терма жамоаси бош мураббийи этиб тайинлангани бироз аввал эълон қилинди.