Анчелотти 2010 йилдан бери финалларда ютқазмаяпти, Хави бу натижани бузмоқчи

"Барселона" бош мураббийи Хави Эрнандес Испания Суперкубоги ҳал қилувчи учрашуви олдидан Карло Анчелоттининг финаллардаги мағлубиятсиз серияси ҳақида фикр билдирди.

"Статистикани ўзгартиришимиз лозим. Бу босқичга етиб келганимиздан хурсандман. Қаерда эканимизни англашимиз керак. Биз "Реал"га қарши майдонга тушамиз, бу яхши мотивация.

Анчелоттининг 2010 йилдан бери бирорта финалда мағлуб бўлмагани эса мени янада илҳомлантирмоқда",-деди Хави.

Маълумот учун, италиялик мутахассис 13 йилда 10 та финал учрашувини ўз фойдасига ҳал этган. Бугунги баҳс Тошкент вақти билан соат 00:00 да старт олади.