Анчелотти “Барса”дан учралган аламли мағлубият сабабини айтди

Испания чемпионатининг 35-турида “Реал” футболчилари “Камп Ноу”даги учрашувда 14-дақиқа ичида мезбонлар дарвозасини икки маротаба ишғол қилган бўлса-да, муҳим беллашувни 3:4 ҳисобида бой берди.

Бу ғалабадан кейин “Барселона” чемпионликни ашаддий рақибдан тортиб олишига ҳеч қандай шубҳа қолмади.

Беллашувдан кейин мадридликлар бош мураббийи Карло Анчелотти мағлубият сабабини очиқлади.

- Биз яхшироқ ҳимояланишимиз керак эди. Бу галги учрашувда ҳимояда жуда ёмон ўйнаганимиз очиқ кўриниб қолди. Биз рақиб тўп киритган паллаларда уларга қулай вазиятларни ўзимиз тақдим этдик, - деди Карло Анчелотти.

Таъкидлаш лозимки, “Реал” раҳбарияти Карло Анчелотти билан ҳамкорликни муддатидан олдин тўхтатиш бўйича бир қарорга келиб бўлган. Италиялик мутахассис ўрнини “Байер”да муваффақиятли ишлаб келаётган Хаби Алонсо эгаллаши айтилмоқда.