Анчелотти: "Биз яна финалга чиқишни хоҳлаймиз" (Матбуот анжумани)

"Реал Мадрид" бош мураббийи Карло Анчелотти "Реал Сосьедад"га қарши баҳсдан аввал матбуот анжуманида иштирок этди. Италиялиялик мутахассис бўлажак учрашув билан бирга, бир нечта футболчиларнинг ҳолати ҳақидаги қизиқарли саволларга жавоб бериб ўтди. 
 
"Биз яхши формадамиз ва яна бир бор финалга чиқишни жуда хоҳлаймиз. 
 
Мбаппе Криштиану Роналдунинг "Реал"даги ютуқларига эришишини ва клуб афсонасига айланишини тилайман. 
 
Лунин финалда ўйнайдими? Ҳа... кўрамиз, нима бўлади. Куртуа ҳам, Лунин ҳам ўйнашга тайёр. Агар иккиси ҳам жароҳат олса, бизда учинчи дарвозабон — Фран Гонсалес бор. Агар финалга чиқа олмасак, ҳеч ким ўйнамайди. 
 
Фран Гарсия жамоага ижобий таъсир кўрсатмоқда. Менди ва Себальос эса "Арсенал" га қарши ўйинга тайёр бўлиш учун астойдил ҳаракат қилишмоқда" - дея ўз фикрлари билан ўртоқлашди. 
 
Маълумот ўрнида, "қироллик клуби" 1 апрелдан 2 апрелга ўтар кечаси Тошкент вақти била 00:30 да "Реал Сосьедад"га қарши майдонга тушади.