Анчелотти: “Бизда жаҳоннинг энг кучли футболчиси бор”

“Реал Мадрид” бош мураббийи Карло Анчелотти “Штутгард”га қарши ўйин олдидан саволларга жавоб берди.

-Жароҳатдан қайтган футболчиларда муаммо йўқми?

-Беллингем ва Тчоменида ҳеч қандай муаммо йўқ. Милитао яна бир кун дам олса бўлди.

-Футболчилар кўп жароҳат олаётганига сабаб нимада деб ўйлайсиз?

-Асосий сабаб албатта тақвимни тиғизлиги, шу туфайли футболчилар кўп чарчашмоқда. Бу мавсум Чемпионлар лигасининг янги форматида ўйинлар кўп. Менимча уларни камайтириш керак.

-Бу йилги жамоа ўтган мавсумникидан кучлими?

- Биз Начо, Хоселу ва Кроосни йўқотдик. Лекин жаҳон футболидаги энг кучли ўйинчилардан бирини олиб келдик. Шу сабабли, бу йилги таркибимиз кучлироқ,-деди мутахассис матбуот амжуманида.