Анчелотти бутун замонлар рекордини ўрнатди

Испания ва Европа Чемпионлар лигасининг амалдаги ғолиби  “Реал” италиялик мутахассис Карло Анчелотти бошчилигида мағлубиятсиз сериясини давом эттирмоқда.

“Қироллик клуби” футболчилари Ла Лиганинг навбатдаги турида Мадрид дербисида “Атлетико” юлан 1:1 ҳисобида дуранг ўйнади.

Бу учрашув Карло Анчелотти номини тарихга муҳрлади. 65 ёшли мутахассис Испания чемпионатида кетма-кет 40 та ўйинда мағлубиятга учрамаган биринчи ва ягона бош мураббийга айланди.

Карло Анчелотти “Реал”ни 2021 йилдан бери муваффақиятли бошқармоқда. Унинг амалдаги шартномаси 2026 йилнинг ярмигача давом этади.

Тажрибали мутахассис фаолияти давомида Италия, Англия, Франция, Германия ва Испаниянинг номдор жамоаларига бош мураббийлик қилган.