Анчелотти: "Челси"нинг АПЛдаги натижалари мени қайғуга соляпти"

"Реал" Мадрид бош мураббийи Карло Анчелотти "Челси"га қарши баҳс олдидан матбуот анжуманида иштирок этди ва ўз фикрлари билан ўртоқлашди.

"Бу 180 дақиқалик тўқнашув. Эртанги баҳс ҳал қилувчи бўлади, деб ўйламайман. Аммо бироз устунликка эга бўлиб олишимиз мумкин. 

Эртага мукаммал ўйин намойиш этишни истаймиз. "Вильярреал"га қарши учрашувдан фарқли ўлароқ, ҳужум ва ҳимояда хатоларга йўл қўймаслик муҳим. 

"Челси"нинг АПЛдаги натижалари мени қайғуга соляпти. Сабаби, мен у ерда ишлаганман ва клубнинг ўйинларини кузатиб тураман. Жамоанинг мухлисиман, десам ҳам муболаға бўлмайди (кулади)", - деди италиялик мутахассис.

Эслатиб ўтамиз, "Реал" Мадрид 13 апрель санасига ўтар кечаси тунда "Челси" билан куч синашади.