Анчелотти эффекти: "Эвертон" 82 йиллик тарихни такрорлади

Бугун Англия премьер-лигасининг 3-турида “Эвертон” сафарда “Кристал Пэлас” меҳмони бўлди.

Карло Анчелотти бошчилигидаги жамоа мавсумнинг дастлабки 5 та расмий баҳсининг барчасида зафар қучди. Ушбу ғалабаларнинг 3 таси АПЛда, 2 таси Англия лига кубогида қўлга киритилди.

Sky Sports тарқатган хабарга кўра, “Эвертон” 1938 йилдан буён илк бор мавсумни кетма-кет 5 та ғалаба билан бошлади.

Эслатиб ўтамиз, Анчелотти “ирисчилар”ни 2019 йилнинг декабридан буён бошқариб келмоқда.