Anchelotti: "Ertangi o‘yinda g‘olib aniqlanmaydi"

“Real Madrid” bosh murabbiyi Karlo Anchelotti "Jirona"ga qarshi o‘yin oldidan o‘z fikrlarini bildirdi.

"Jirona" bu mavsum juda yaxshi harakat qilmoqda va biz ularni juda hurmat qilamiz. Ertaga g‘alaba qozonsak, turnir jadvalida ustunlikka ega bo‘lishimiz aniq. Ammo oldinda hali uzoq turnir va ko‘p o‘yinlar bor. Bu o‘yinda chempion aniqlanmaydi", - dedi Anchelotti matbuot anjumanida.

Hozirda "qaymoqranglilar" La Liga turnir jadvalida peshqadamlik qilmoqda, Jirona" esa ikki ochko ortda qolmoqda.

Eslatib o‘tamiz, "Real" - "Jirona" bellashuvi ertaga soat 22:30da start oladi.