Анчелотти: “Эртанги учрашув икки жамоа учун ҳам муҳим”

“Реал Мадрид” бош мураббийи Карло Анчелотти “Атлетико” қарши дербидан аввал матбуот анжуманида иштирок этди. Италиялик мутахассис бўлажак учрашув, бир нечта футболчиларнинг ҳолати ва ҳакамлар билан бўлаётган можаро ҳақида ўз фикрлари билан ўртоқлашди. 
 
“Албатта, бўлажак беллашув ҳар икки жамоа учун ҳам жуда муҳим. Мадрид дербиси ҳар доим ҳам ўзига хос ўтади. Иккаламиз ҳам чемпионлик учун курашамиз. 
  
Биз шунчаки ҳакамлардан тушунтиришни сўрадик холос. Шу билан бирга, биз тизимни ўзгартирмоқчимиз. Шуни ҳам таъкидлашимиз керак, биз ҳозирги кунда хурсанд эмасмиз ва албатта, ҳамма бунга қарши. Сабаби, “Реал Мадрид” буни хоҳлайди. Биз ҳали ҳам ВАР аудио ёзувларини олмаганмиз. 
  
Эртанги куннинг таркиби ҳақида нималар дейсиз? Бугунги кунга қадар баъзи шубҳалар бор эди. Бугун улар тарқаб кетди. Биз аллақачон дерби учун асосий таркибни белгилаб олдик. 
  
Камавинга ва Васкесларнинг ҳолати қандай? Икки футболчим ҳам бўлажак тўқнашувга тайёр. Улар бугун ўзларини яхши ҳис қилишди. Шу боис, Лукас ҳам Эдуардо ҳам эртага сафимизда бўлади. 
 
Биз мудофаа чизиғимизда мутлақо фавқулодда вазиятдамиз. Биз ўз позициясида дунёнинг энг яхшиси бўлган Карвахал ва Милитаони йўқотдик. Шу сабабли ҳам жамоам билан бирга, ёш футболчиларни синаб кўрдик ва баъзи футболчиларнинг позициясини ўзгартирдик. 
  
Биз футболчиларнинг жароҳатларидан хавотирдамиз, аммо Федерико Вальверде ҳар бир учрашувда майдонга тушишни хоҳлайди. 
  
Эртанги беллашувга режангиз қандай? Биз “Атлетико”нинг ўйинини таҳлил қилдик ва кўплаб тактик видеоларни томоша қилдик. Бу муҳим роль ўйнайди, деб ўйлайман” – деди “қироллик клуби” мураббийи.