Анчелотти гол уришни билмайдиган ҳужумнинг кетишига йўл қўймаяпти

“Реал” раҳбарияти Мадридга келганидан бери ўйини қовушмаётган сербиялик ҳужумчи Лука Йовични бошқа жамоага ижарага бериб юбормоқчи бўляпти.

Бироқ, жамоа бош мураббийи Карло Анчелотти бу трансферга қарши чиқди. Италиялик мутахассис ўйин амалиётига эга бўлиш учун бошқа клубга ўтишни режалаштирган ўйинчини жамоада қолишга кўндирмоқчи.

Айни пайтда Йовични “Фиорентина” ўз сафига қўшиб олишга ҳаракат қилмоқда. Флоренциялар январда асосий ҳужумчиси Душан Влаховични “Ювентус”га сотиб юборган. Кейин “Герта”дан ижарага чақиртирилган Кшиштоф Пёнтек ҳам мавсум якунланиши билан ортга қайтиб кетди.

Мутахассисларнинг таъкидлашича, ўнга яқин клуб Йовични ўз сафида кўрмоқчи.