Анчелотти: “Ҳозир ротация қилишим жуда қийин”

“Реал Мадрид” бош мураббийи Карло Анчелотти “Райо Вальекано”га қарши ўйиндан аввал матбуот анжуманида иштирок этди. Мутахассис навбатдаги учашув ва франциялик футболчиларнинг жисмоний ҳолати ҳақида гапирди. 
 
“Эртанги тўқнашув осон бўлмаслиги аниқ. Сабаби рақиб жамоа сафида сифатли ўйинчилар етарлича. "Аталанта" билан ўйиндан сўнг эса футболчиларим тез тикланишди, бу мени хурсанд қилди. Бундан ташқари, ҳозир бизда 14 - 15 та ўйинчилар борлиги сабаб, бирор кимгадир дам беришим қийин. 
 
Мбаппе эртанги учрашувда иштирок этмайди. Унинг жароҳати жиддий эмас, фақатгина дам олиши керак. Гарчи биз билан Қитъалараро кубогининг финалига борса ҳам майдонга тушишини билмаймиз. Камавинга эса жароҳатдан фориғ бўлиб, сафимизга қайтди" - деди италиялик мутахассис. 
 
Маълумот ўрнида, Ла Лиганинг 17-тур доирасида “қироллик клуби” “Райо Вальекано” билан куч синашади. Ушбу баҳсдан сўнг Қитъалараро кубок финалига йўл олади.