Анчелотти Моуриньо билан муносабатлари ҳақида гапирди

Бразилия терма жамоаси бош мураббийи Карло Анчелотти Мадриднинг «Реал» клубини бошқараётган Жозе Моуриньо билан муносабатлари ҳақида гапириб ўтди. Бугун, 3 сентябрь куни, италиялик мутахассис «қироллик клуби» машғулот баъзасига ташриф буюрди

«Моуриньо билан муносабатларим? Биз узоқ йиллардан бери жуда яхши муносабатдамиз. Орамизда яхши алоқа бор, фикр ва хабарлар алмашиб турамиз. Унинг бу ерда, “Реал”да экани, ўзини яхши биладиган бу буюк клубда яна ишлаш имкониятига эга бўлганидан жуда хурсандман. Ўйлайманки, у бу ерда ҳақиқатан ҳам катта иш қилади. Жозе – улкан мураббий», – дея таъкидлади Анчелотти.

Эслатиб ўтамиз, Карло Анчелотти ҳам ўз вақтида Мадриднинг «Реал» жамоасини бошқарган. У клубни 2013–2015 йиллар ҳамда 2021–2025 йиллар орасида бош мураббий сифатида тўрт мавсумдан ортиқ муддат давомида бошқарган.