Анчелотти: “Олтин тўп”ни сен оласан!

“Реал” бош мураббийи Карло Анчелотти навбатдаги “Олтин тўп” соврини жамоа ҳужумчиси Карим Бенземага берилиши кераклигини таъкидлади.

- Каримга бирон нимани ўргатиш ёки уни йўналтиришнинг кераги йўқ. Каримдан тўғри фойдаланиш керак. Бензема мураббий сиз ҳам ҳаммасини уддалай олади. Чунки у ҳақиқий профессионал, камтарин инсон ва ажойиб ўйинчидир.

Бу мавсум чемпионликни қўлга киритишимизда ҳиссаси катта бўлди, ўйинларда натижа қила олди. У ҳозир дунёнинг энг машҳур ўйинчиларидан, шунга қарамай, жуда камтар. Айнан мана шу жиҳат унинг устун томони.

Бензема “Олтин тўп”ни олади. Албатта, бунда нафақат унинг шахсий кўрсаткичлари, балки қандай кучли клубда ўйнаётгани ҳам инобатга олинади, - деди Карло Анчелотти.

Франциялик ҳужумчи 11 йилдан бери “Реал” шарафини ҳимоя қилмоқда. 34 ёшли тўпурар жорий мавсумда 42 та учрашувда 42 та гол урди ва 13 та голли пас узатди.