Бизда Ҳусанов бор! “Манчестер Сити” хўжайини Абдуқодирни ҳам тилга олди

“Манчестер Сити” бошқарув раиси Халдун Ал-Муборак клубдаги вазият, асосий мақсад, таркиб ва истиқбол ҳақида гапирди. “Шаҳарликлар” расмий сайти раҳбарнинг фикр-мулоҳазаларини эълон қилди.

Мавсум якунларига бағишланган катта интервьюда Халдун Ал-Муборак шу пайтгача қўлга киритилган ютуқларни эътироф этди, “Сити” келажакда ҳам муваффақият қозонишига ишонишини ва клубнинг асосий тамойиллари ўзгармаслигини айтди.

- Биз ҳали чўққига чиққанимиз йўқ. Бу ғалабалар учун яратилган клуб. Муваффақиятларга ўрганиб қолганмиз, чунки ғалаба қозониш бизнинг ДНКмизга сингиб кетган. Мен клубнинг 2008 йилдаги ҳолатига қарайман ва кейинги 18 йилдаги ҳар бир босқични таҳлил қиламан.

Роберто Манчини клубга Премьер-лигадаги илк чемпионликни олиб келди. Биз бу лаҳзаларни ҳеч қачон унутмаймиз. Шунингдек, кўп йиллик танаффусдан кейин Англия кубогини ҳам ютиб олган эдик.

Кейин Мануэль Пеллегрини келди ва яна чемпионликлар ҳамда янги ютуқлар қўлга киритилди. Сўнгра Пеп келиб, ғолиб клуб менталитетини шакллантирди. Ҳозир ҳамма билган “Манчестер Сити” айнан шундай пайдо бўлди.

Пеп бизга берган нарса клубни мутлақо янги даражага олиб чиқди ва биз ундан миннатдормиз.

Қаранг, 18 йил ичида қанча турли авлод жамоаларини шакллантирдик. Ҳар бири ўзига хос эди. Серхио Агуэро, Яя Туре ва Давид Силва давридан бошлаб, кейин Кевин Де Брёйне, Илкай Гюндўған ва Бернарду Силва авлодигача етиб келдик.

Ҳозир эса Эрлинг Холанд, Райан Шерки, Фил Фоден ва Абдуқодир Ҳусанов каби футболчилардан иборат янги авлод шаклланмоқда. Футболчилар ўзгаради, аммо ғалаба руҳи сақланиб қолади.

Ростини айтсам, Эрлинг клубга келган биринчи кунданоқ етакчи бўлган. Унинг характери ва харизмаси бор. Бундай даражадаги юлдуз ва гол машинаси бўлган футболчи табиий равишда етакчига айланади. У Илкай Гюндўған, Бернарду Силва, Родри ва Рубен Диаш каби кучли лидерлар билан бир жамоада ўйнади. Бу эса унинг ривожланишига ёрдам берди. Мен Холандни дунёдаги энг яхши ҳужумчи, деб ҳисоблайман. У яқин келажакда “Олтин тўп” соҳиби бўлишига умид қиламан.

Жаҳон чемпионати вазиятни на қийинлаштиради, на енгиллаштиради. Бу футболнинг бир қисми. Биз нима хоҳлаётганимизни, нима кераклигини ва унга қандай эришишни яхши биламиз.

Охирги мавсумлардаги трансферлардан жуда мамнунмиз. Биз ҳар доим тартибли, ўйланган ва самарали ишлаймиз. Керак бўлганда тез ва қатъий ҳаракат қиламиз. Январда ҳам худди шундай қилдик.

Ёзда ҳам кимларни хоҳлаётганимизни аниқ биламиз ва ишимизни ҳар доимгидек тез ҳамда самарали бажарамиз.

Масалан, биз Райан Шерки ҳақиқатан ҳам жуда катта футболчи бўлиши мумкинлигига қаттиқ ишонган эдик. У ҳали ҳам жуда ёш.

Ҳозирги таркибга қаранг: Эрлинг Холанд, Родри, Антуан Семеньо, Жереми Доку, Абдуқодир Ҳусанов, Нико О'Райли, Жанлуижи Доннарумма каби ажойиб ўйин кўрсатаётган футболчилар бор. Ҳар бир позицияда иқтидорли ёш ижрочилар йиғилган. Бундай ёш иқтидорлар тажрибали футболчилар билан уйғунлашганда жамоа ҳақиқатан ҳам жуда кучли бўлади.

Сўнгги 18 йил натижаларига қарасак, Англия футболидаги энг муваффақиятли клуб – “Манчестер Сити”.

Шайх Мансурдан тортиб менгача, Ферран Сориано ва бутун ташкилотгача бизда ғолиб жамоа бор. Футболчилар, мураббийлар ва раҳбарлар алмашади, лекин биз ҳаракатда давом этамиз ва натижа қилишда тўхтамаймиз.

Биз жуда пухта ва тизимли жараён олиб бордик. Раҳбарият ҳам, мен ҳам ишонамизки, клуб учун бундан кейин ҳам энг тўғри мураббийни танлаймиз. Бироз сабр қилинг. Жуда тез орада расмий эълон бўлади ва биз энг яхши вариантни танлаганимизга амин бўласиз, - деди Халдун Ал-Муборак.

Даҳшат! Ўзбекистон “ўлим гуруҳи”да ўйнайдиган бўлди!

Европада ўзбек футболчиларига эътибор қаратишди

Ўзбек футболчиларининг ўйиндан кейин қилган иши канадаликларни ҳайратга солди!

“Барса”дагилар Ҳусановга баҳо берди

ФИФА Ҳусановга алоҳида тўхталди!

“Бака-бака банг, дор ўйнанг”! Мундиалда Ўзбекистонга кимлар мухлислик қилишини биласизми?

Ана холос! Мареска Ҳусановга кучли рақобатчи олиб келади

Бунақаси Шомуродов фаолиятида биринчи марта бўлди