Анчелотти ўзи ўрнатган рекордга муносабат билдирди

Карло Анчелотти бошқарувидаги “Реал” Қитаъалараро кубокни қўлга киритди. Ушбу мусобақада Европа Чемпионлар лигаси ғолиби сифатида иштирок этган мадридликлар ҳал қилувчи баҳсда Мексиканинг  “Пачука” жамоасини 3:0 ҳисобида мағлуб этди.

Бу италиялик мутахассиснинг “Реал” бош мураббийи сифатида қўлга киритган 15-соврини бўлди. Тарихий воқеадан кейин Анчелотти ўз фикрлари билан ўртоқлашди.

- “Реал” билан 15 та соврин ютиш – ажойиб натижа! Бу муваффақиятга чин дилдан хурсандман. Учрашув осон кечгани йўқ. Кутилмаган рақиб билан ҳафтанинг ўртасида ўйнаш осонэмас.

Бу ғалаба жароғатлар ва синовларга тўла мураккаб, лекин фантастик йилнинг кульминацион нуқтаси бўлди. 2024 йлни бундан зўр якунлашни ақлбовар қилмайди.

Бироқ “Реал”да талаб этилганидек, биз 2025 йилни бунданда ёрқин ғалабалар билан ўтказиш ҳақида бош қотира бошладик, - деди Карло Анчелотти.

Карло Анчелотти “Реал”да илк бор 2013-2015 йиллар ишлаган. Кейин 2021 йилда яна жамоани қабул қилиб олди. Италиялик мутахассис ҳозирга қадар “Реал” билан уч бор Чемпионлар лигаси ва икки марта Испания чемпионатида ғолиб чиққан.

Унинг ҳисобида иккитадан Испания кубоги ва Суперкубоги, учда УЕФА Суперкубоги, битта Қитъалараро кубок ва клублар ўртасидаги жаҳон чемпионатининг икки бош соврини бор.