Анчелотти "Реал Мадрид"ни тарк этадими? Мураббийнинг шахсан ўзи жавоб берди!

"Реал Мадрид" бош мураббийи Карло Анчелотти ўзининг келажаги ҳақидаги саволларга тўлиқ жавоб берди. 
 
"Қироллик клуби"да ҳамма мен билан яхши муносабатда бўлишади. Кўплаб мухлислар ҳам, шунингдек, оммавий ахборот воситалари ҳам мени қўллаб-қувватлайди. Мен келган кунимдан буён буни ҳис қилиб келаман. 
 
Агарда "қаймоқранглилар"дан кетишим ҳақида сўрасангиз - мен ҳеч қачон Испаниядан кетишни ўйламаганман. Албатта, тўрт йил давомида қолишга умид қиламан, худди президентимиз Флорентино Переc каби. 2029 йил биргаликда катта хайрлашувни амалга ошириш эса жуда яхши якун бўлар эди" - деди италиялик мутахассис.

Маълумот ўрнида, "Реал Мадрид" Европа Чемпионлар лигасининг 7-тур доирасида "Зальцбург" билан тўқнаш келади.