Anchelotti “Real”ning ikki etakchisi shikastlanganini aytdi

“Real” Ispaniya chempionatining oltinchi turida o‘z maydonida “Espanol” ustidan 4:1 hisobida zafar quchdi.

Uchrashuvdan keyin madridliklar bosh murabbiyi Karlo Anchelotti ikki etakchi futbolchi ahvoli haqida ma’lumot berdi.

- Daniel Karvaxal biroz shikastlandi, lekin jiddiy jarohat yo‘q. Jud Bellingemga kelsak, uni ancha vaqt elkasidagi jarohat qiynab kelayotgan edi. Barcha muammo echimini topgan va xavotirga asos yo‘q.

Jud ma’lum muddat maxsus himoya vositasida o‘ynadi. Bir oydan beri uni taqmayapti. Biror muammo bor, deb o‘ylamayman, - dedi italiyalik mutaxassis.