Анчелотти: "Унга ўргатиш керак эмас"

Карло Анчелотти Бензема "Олтин тўп"ни ютишига ишониши ҳақида гапириб ўтди.

"Каримга ўргатиш ёки йўлланма бериш шарт эмас. Ундан фақат фойдаланиш керак. Бензема ўзига-ўзи мураббий ва ҳақиқий профессионал, камтар ва яхши ўйинчи. 

Карим бу мавсум биз билан жуда кўп учрашувларда ғалаба қозонди ва ажойиб кўрсаткич қайд этмоқда. Ҳозир у энг яхши футболчилардан бири ва ҳамон камтарлик қилишда давом этмоқда. Бу унинг кучи. 

У "Олтин тўп"ни қўлга киритади. Шундай бўлса-да, Каримнинг бу ютуқлари фақат ўзи туфайли эмас. Бунинг ортида кучли клубнинг кучли структураси турибди", - деди Анчелотти.