Анчелотти яна Хамесни ўз жамоасида кўрмоқчи
Ads

"Реал" Мадрид клуби ярим ҳимоячиси Хамес Родригес мавсумлар оралиғида "Наполи"га кўчиб ўтиши мумкин. Бу ҳақда Marca хабар бермоқда.

Юқоридаги манбаага кўра 27 ёшли колумбиялик футболчини шахсан Карло Анчелотти​ ўз жамоасида кўришни хоҳламоқда. Таъкидлаш керакки, Хамес ўз вақтида "Реал" ва "Бавария"да Анчелотти қўл остида тўп сурган ва шу боис италиялик мутахассис унинг имкониятларини яхши билади.

Хабарларга қараганда Анчелотти ушбу трансфер юзасидан аллақачон футболчининг агенти Жорже Мендеш билан ҳам гаплашган.

Эслатиб ўтамиз, Хамес сўнгги икки мавсумни "Бавария" сафида ижара асосида ўтказди. Унга айни дамда шунингдек "Арсенал", "Манчестер Юнайтед" ва "Ювентус" клублари ҳам харидор бўлишмоқда.