"Андижон" етакчисига Суперлига клублари кўз тикмоқда

“Андижон” сафида Суперлигада 5 та гол уриб клуб тўпурари бўлган Усмонали Исмоналиевга бир қанча жиддий қизиқишлар бўляпти. Ҳимоячидан ҳужумчига айланган ўйинчи янги мавсумни қаерда бошлаши борасида ўз фикрини билдирди.

- Таклифлар бўляпти. Аммо ҳозирча ҳеч қайси жамоа билан келишувга эришганим йўқ. Суперлигада ўйнайманми ёки про лигадами, буни вақт кўрсатади. Вариантларни кўриб чиқаман. Фақат ҳозирданоқ кетаман-қоламан, деб айтиш нотўғри. Ўйлаб олишим учун вақт бор, - деди футболчи.