"Андижон" футболчиси Ўзбекистон олимпия терма жамоасига чақирилди

Ўзбекистон олимпия терма жамоамиз Осиё Кубоги финал босқичига қизғин тайёргарлик олиб бормоқда. Шу мақсадда 17-28 декабрь кунлари терма жамоамиз Туркияда ўқув-машғулот йиғинини ўтказиши кўзда тутилган.

Бу сафар йиғинга таклиф қилинган футболчилар орасидан “Андижон” жамоамизнинг иқтидорли ўйинчиларидан бири – Фарҳод Соҳибжонов ҳам жой олган.

Жорий йилги мавсум якунларига кўра, Соҳибжонов жамоамиз сафида 23 та ўйинда майдонга тушиб, рақиблар дарвозасига 2 та гол урди, - дея хабар бермоқда, “Андижон” матбуот хизмати.