"Андижон" ҳали "Олимпик"га ютқазмаган. Ўзбекистон Кубоги олдидан превью

4 июль куни “Андижон” клуби Тошкентдаги “Жар” стадионида Ўзбекистон Кубоги нимчорак финал доирасида “Олимпик” жамоасига қарши майдонга тушади. Айни пайтда жамоамизнинг бор эътибори мазкур беллашувга қаратилган.

“Олимпик” ва “Андижон” клублари Ўзбекистон Кубогида шу кунгача бир марта тўқнаш келишган. Ўтган йили ушбу жамоалар Кубок мусобақасининг “F” гуруҳидан жой олишганди. 2023 йилнинг 20 апрель санасида Фарғонадаги “Истиқлол” стадионида “Андижон”нинг номинал мезбонлиги остида ўтган ўйинда дарвозалар дахлсиз қолган – 0:0.

Миллий чемпионатда эса жамоалар жами уч бор тўқнашишган. “Андижон” иккита учрашувда ғалаба қозонган ва яна биттасида дуранг қайд этилган. Бу мавсумнинг биринчи даврасида Тошкентдаги баҳсда ҳисоб очилмади – 0:0. Тўплар нисбати 2:3 “Андижон” фойдасига.

Кўриб турганингиздек, чемпионатда ҳам, Кубокда ҳам “Андижон” ҳали “Олимпик”га ютқазмаган.  Дарвоқе, нимчорак финалда дуранг бўлмайди.

Эслатиб ўтамиз, “Олимпик” – “Андижон” беллашуви 4 июль, соат 20:30 да бошланади. 

"Андижон" матбуот хизмати.