“Андижон” клуби “Насаф” ва “Қўқон-1912”дан олдинда

1-3 апрель кунлари Суперлигада 4-тур учрашувлари бўлиб ўтди. Натижалар билан сайтимиз орқали маълум қилиб бордик.

Энди эса турга оид қизиқарли маълумотларни тақдим этмоқдамиз. Яъни анъанамизга содиқ қолган ҳолда тур мухлисларининг статистикасини таништирамиз.

Бу гал стадионларимизга жами 28634 томошабин ташриф буюрди. Ҳар бир беллашувга ўртача 4091ни ташкил қилади (аввалги турда 39000дан ортиқ одам баҳсларни бевосита аренадан кузатиб борганди).

Энг кўп мухлис Андижондаги “Бобур” аренада қайд этилди. Учрашувни 8524 одам шоҳиди бўлди. “Бургутлар” мухлислар ташрифи борасида етакчига айланди.

Энг кам ишқибоз Тошкентда. “Пахтакор” – “Металлург” қарама-қаршилигига 413 томошабин ташриф буюрди. Чемпионнинг ўйинига бу даражада кам ишқибоз келиши ачинарли ҳолат, албатта.

Халқаро майдонда юртимиз шарафини ҳимоя қиладиган АГМК хорижга жўнаб кетишидан аввал охирги тайёргарликни кўздан кечирди. Рақиб “Навбаҳор”. Турнинг марказий тўқнашувини 4411 мухлис томоша қилди.

Қуйида Суперлиганинг ушбу турига ташриф буюрган мухлислар статистикаси билан танишинг (мухлислар сони ПФЛ сайтидан олинди):

“Андижон” – “Машъал” 1:1. 8524 томошабин

“Қўқон-1912” – “Бунёдкор” 0:0. 6542 томошабин

“Насаф” – “Турон” 4:0. 5878 томошабин

АГМК – “Навбаҳор” 2:1. 4411 томошабин

“Сўғдиёна” – “Сурхон” 2:1. 1842 томошабин

“Локомотив” – “Қизилқум” 1:1. 1024 томошабин

“Пахтакор” – “Металлург” 2:1. 413 томошабин