"Андижон" "Нефтчи"га қарши назорат ўйинида майдонга тушди

“Нефтчи” ҳамда “Андижон” жамоалари Суперлиганинг навбатдаги турига тайёргарлик кўриш асносида ўзаро назорат учрашувини ўтказдилар. 4 та гол урилган учрашувда мезбонларнинг қўли баланд келди – 3:1.

Аввалига Диёр Туропов ўзининг аниқ зарбаси билан ҳисобни очди. Бўлим охирларида қанотдан узатилган тўпни ҳимоячи Илҳом Алижонов боши билан дарвоза тўрига жойлаб қўйди – 1:1. Танаффусдан сўнг “Нефтчи” футболчилари яна икки марта гол урдилар.

Эслатиб ўтамиз, “Андижон” Суперлиганинг 9-турида Фарғонадаги “Истиқлол” стадионида Жиззахнинг “Сўғдиёна” жамоасини қабул қилади. Учрашув соат 19:00 да бошланади.

“Нефтчи” – “Андижон” – 3:1 (1:1)

30 апрель. Фарғона, “Нефтчи СК” стадиони.

Ҳакамлар: Достон Мирзаримов,  Шохрух Аъзамов, Азизбек Исаков

“Нефтчи”: Акбар Тўраев, Зоир Жўрабоев,  Мухсин Убайдуллаев,  Анвар Ғофуров,  Умар Адхамзода,  Мирзохид Ғофуров,  Лутфулла Тўраев,  Ғуломхайдар Ғуломов,  Диёр Туропов,  Нурилло Тўхтасинов,  Улуғбек Ҳошимов.

Захирадан майдонга тушганлар:  Алексей Ларин,  Андрей Мишенко,  Нодирхон Неъматхонов,  Аббос Ғуломов, Абдуллоҳ Олимов, Фозил Мусаев, Юрий Батюшин,  Иззатилла Абдуллаев,  Суннатилла Абдуллажонов,  Муродбек Бобожонов.

“Андижон”: Игорь Литовка, Дилшод Комилов, Ислом Маматказин, Абдураҳмон Комилов, Илҳом Алижонов, Муҳаммадкарим Тоиров, Леван Арвеладзе, Нодари Кавтарадзе, Суҳроб Бердиев, Сардор Абдунабиев, Рубин Хебай.

Захирадан майдонга тушганлар:  Моҳир Комилов, Фарҳод Соҳибжонов, Илдар Маматказин, Владимир Бубанья, Сардор Азимов, Асилбек Айсаров, Илҳом Абдуғаниев, Бобур Фарҳодов, Ҳожимурод Асқаров, Абдулатиф Ойбеков, Иззат Абдурасулов.

Голлар: Диёр Туропов, 31 - 1:0. Илҳом Алижонов, 43 - 1:1. Иззатилла Абдуллаев, 57 – 2:1. Аббос Ғуломов, 80 - 3:1.

Огоҳлантиришлар: Илҳом Алижонов, 33. Лутфулла Тўраев, 45. Абдулатиф Ойбеков, 70.

“Андижон” матбуот хизмати.