"Андижон" Ўзбекистон чемпионати тарихида нечанчи ўйинида майдонга тушишини биласизми?

Бугун барча футбол ишқибозларининг нигоҳи Фарғонадаги “Истиқлол” стадионига қаратилади. “Андижон” Суперлиганинг 7-турида “Нефтчи”га қарши майдонга тушади. Бу сафарги водий дербисидаги беллашув ўзгача аҳамият касб этади.

Гап шундаки, “Андижон” клуби Ўзбекистон чемпионатлари тарихида бугун ўзининг юбилей 800-ўйинида майдонга тушади. Бунгача “Бургутлар”нинг ҳисобида умумий кўринишда 799 та ўйин мавжуд. Албатта, барчаси Ўзбекистон чемпионатидаги иштирок билан боғлиқ.  Энди андижонликлар 800-лик довонни ҳам забт этиш арафасида турибдилар.