"Андижон" Суперлигада қолди!

Ўзбекистон Coca Cola Суперлигаси ўтиш ўйинида "Нефтчи" ўз уйида "Андижон"ни қабул қилди. Унда меҳмонлар 3:1 ҳисобида ғалаба қозониб, Суперлигада қоладиган бўлди. 

Дастлаб, "Нефтчи" ҳужумчиси Отабек Зокиров ҳисобни очди. "Андижон" сафида ушбу голга Абдуманнопов, Соҳибжонов ва Ҳомидов жавоб берди. 

Шу тариқа, андижонликлар Суперлигада қоладиган бўлди. 

• 90+4'
  

  Учрашув якунланди! "Андижон" меҳмонда ишончли ғалабани қўлга киритиб, Суперлига йўлланмасини ўзида сақлаб қолди. Матнли трансляцияни Абдулвосид Валихонов олиб борди. Эътиборингиз учун раҳмат!

• 90+3'
  

  "Андижон"да ўзгариш: Азамат Исроилов ўрнига Азизбек Азимов майдонга тушди.

• 90+1'
  

  "Нефтчи" бурчак тўпидан қониқарли фойдалана олмади.

• 90'
  

  Учрашувга 4 дақиқа вақт қўшиб берилди.

• 88'
  

  ГООООООООООООЛЛЛ!!! "Нефтчи" жарима майдони ичидаги палапартишликлардан унумли фойдаланган "Андижон" ҳужумчиси Жамшид Қобилов дарвозани ишғол қилиб, ҳисобни ишончли кўринишга келтирди! 1-3!

• 86'

  "Андижон" жарима зарбасидан хавфли ҳужум ташкил этиши мумкин эди, бироқ ҳимоячилар бунга йўл қўйишмади.

• 84'
  

  Мезбонлар бурчак тўпидан наф чиқара олмади.

• 83'

  "Нефтчи"нинг қанотдан узатган кроссини "Андижон" ҳимоячилари бош билан майдон ташқарисига чиқариб юборишди. Ҳакам бурчак зарбаси белгилади.

• 81'

  "Нефтчи" ҳужумчиси "Андижон" ҳимоячисига нисбатан ҳужумда фол ишлатди. Жарима зарбаси.

• 75'

  Ўйинда темп анча паст. 

• 72'
  

  Баҳодиров ўрнига Асқаралиев, Олимов ўрнига эса Мелиев майдонга тушмоқда. 

• 68'

  "Нефтчи" футболчилари яхши вазиятдан фойдалана олмади. 

• 62'

  "Нефтчи" футболчиларининг кетма-кет узатмалари ҳимоячилар томонидан қайтарилди. 

• 58'

  "Андижон" тартибли ҳимояланмоқда. 

• 55'

  "Андижон" ҳужум қилишдан тўхтамаяпти. 

• 53'
  

  Исроилов сариқ карточка ишлаб олди. 

• 50'

  Смолюченконинг зарбаси бироз ноаниқ кетди. 

• 48'

  "Нефтчи" таймни фаол бошлади. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 2 дақиқа қўшиб берилди. 

• 44'

  "Андижон" прессинг уюштиришда давом этмоқда. 

• 42'
  

  Бекмуродов тиббий ёрдамга муҳтож. 

• 42'
  

  Холмирзаев сариқ карточка ишлаб олди. 

• 39'

  "Нефтчи" ҳужумга ўтишга қийналмоқда. 

• 36'

  "Андижон" футболчилари голдан руҳланиб, олдинга бормоқда. 

• 33'
  

  ГОООООООООООЛЛЛЛЛЛЛЛЛЛЛЛЛЛ!!! Соҳибжонов ўз имкониятидан унумли фойдаланиб, гол урди. Дарвозабон олис бурчакка тепилган тўпни ушлаб қола олмади. 

• 31'
  

  ГОООООООООООЛЛЛЛЛЛЛЛЛЛЛЛЛЛЛ!!! Дониёр Абдуманнопов бирга-бир вазиятдан унумли фойдаланиб, ҳисобни тенглаштирди. 

• 30'

  "Андижон" футболчисининг ўткир бурчакдан йўллаган зарбасини ҳимоячилар майдон ташқарисига чиқариб юборди. 

• 26'
  

  Бахтиёр Қосимов огоҳлантирилди. 

• 26'

  Зокировнинг зарбасини Адҳамов бироз кеч бўлса-да, қайтарди. 

• 25'

  "Андижон" энди ҳимояланишга мажбур қилинмоқда. 

• 22'

  Абдуманнопов яхши вазиятдан зарба бера олмади. 

• 21'

  "Нефтчи" тўпни назорат қилишга ҳаракат қилмоқда. 

• 18'
  

  Мажбурий ўзгариш: Абдуҳамидов ўрнига Смоляченко майдонга ташланди. 

• 16'

  Жарима майдонига андижонликлар узатаётган кетма-кет тўплар ҳимоячилар томонидан қайтарилмоқда. 

• 15'

  Жарима майдонига "Нефтчи" футболчиси узатган тўп ноаниқ чиқди. 

• 14'
  

  Бурчак зарбасидан фарғоналиклар фойдалана олмади. 

• 11'

  "Андижон"нинг жарима майдонига узатган тўпи ҳимоячилар томонидан қайтарилди. 

• 9'
  

  ГОООООООООООЛЛЛЛЛЛЛЛЛЛЛЛЛЛ!!! Қарши ҳужумда Зокиров боши билан дарвозага тўпни жойлади. Мезбонлар ҳисобда олдинга чиқиб олди. 

• 8'

  "Нефтчи" жарима майдони ичига узатилган тўпни ҳимоячилар қайтарди. 

• 7'

  Зокиров ўнг қанотдан ёриб кириб, зарба йўллади. Жарима майдони ичидан берилган зарба дарвоза устидан ўтиб кетди. 

• 6'

  "Андижон" прессинг амалга оширишда давом этмоқда. 

• 5'

  "Нефтчи" тўғри ҳимояланмоқда. 

• 3'

  Олимов жарима зарбасини амалга оширди. Бироқ муваффақиятсиз чиқди. 

• 2'
  

  Илк дақиқалардан олдинга ўтган "Нефтчи" футболчиси ўйиндан ташқари ҳолатда қолиб кетди.

• 1'
  

  Ўйин бошланди!

• 0'

  Ўзбекистон Республикаси миллий мадҳияси янгради! Старт учун барчаси шай!

• 0'

  Футболчилар майдонга тушиб келди. Шиддатли ўтиши кутилаётган "Водий дербиси" бошланиш арафасида.