"Андижон" "Сурхон"га қарши ўйинга Тошкентда тайёрланмоқда. Жамоа етакчиси сафга қайтди

Чемпионатни муҳим ғалаба билан бошлаган “Андижон” навбатдаги тур учун тайёргарлигини бошлади.

Маълумки, 11 март куни андижонликлар “Пахтакор” стадионида Термизнинг “Сурхон” клубига қарши майдонга тушади. Ўйин соат 17:00 га белгиланган. 

Мазкур ўйинга ҳам жиддий тайёргарликка киришган жамоа аъзолари дастлабки машғулотини “Бунёдкор” академияси майдонида ўтказди.

Жароҳат сабабли дастлабки ўйинни ўтказиб юборган тажрибали ҳужумчи Шаҳбоз Эркинов яна асосий таркиб билан шуғулланишни бошлади.

“Андижон” матбуот хизмати.