Андижон вилоят ҳокими "Насаф"га қарши ўйиндан олдин "Андижон" клуби аъзолари билан учрашди

Хабарингиз бор эртага Суперлиганинг 5-тури доирасида “Андижон” ўз майдонида “Насаф”ни қабул қилади. Эътиборлиси, “бургутлар” ушбу учрашувни қайта реконструкциядан чиқарилган “Соғлом авлод” стадионида ўтказишади.

Бугун Андижон вилоят ҳокими Шуҳратбек Абдураҳмонов эртага бўлиб ўтадиган очилиш учрашувидан олдин “Андижон” футболчилари билан учрашди. Вилоят раҳбари футболчиларга омад тилади ва эртанги ўйинда фақат ғалаба қозониш лозимлигини айтди.

Эслатиб ўтамиз, “Андижон” – “Насаф” баҳси эртага соат 17:00да бошланади. Учрашувга Ўзбекистон футбол ассоциацияси биринчи вице-президенти Умид Аҳмаджонов ҳам ташриф буюради.