"Andijon" Yangierda o‘yin o‘tkazdi

Uchta o‘yinni g‘alabasiz o‘tkazgan “Andijon” klubida qanday o‘zgarishlar yuz berganidan xabardorsiz.

Bosh murabbiy Viktor Kumikov esa yangi jamoasi bilan mashg‘ulotlarni boshlab yubordi. Sports.uz saytiga ma’lum bo‘lishicha, andijonliklar Yangierda o‘quv-mashg‘ulot yig‘inlariga kirishishgan.

Murabbiy esa futbolchilarning imkoniyatlarini o‘rganishni boshladi va shunga asosan tarkibdagi o‘yinchilar ikkiga ajratilgan holda o‘yin tashkillashtirildi. Jamoadagi barcha o‘yinchilar va shu jumladan legionerlar ham Viktor Kumikovning qo‘l ostida shug‘ullanmoqdalar.

Eslatib o‘tamiz, “Andijon” 4-turni safarda “Buxoro”ga qarshi o‘tkazadi va mazkur uchrashuv Viktor Kumikovning yangi klubidagi debyut bahsiga aylanadi.