“Andijon”ni tark etgan hujumchi Rossiya klubiga o‘tdi

Yozgi transfer oynasi paytida yuz berayotgan yangiliklar davom etmoqda.

Joriy yilgi mavsum avvalida “Andijon” safiga qo‘shilgan rossiyalik 30 yoshli hujumchi Islam Mashukov iyun oyida jamoa bilan tuzilgan shartnomasi ikki tomonning kelishuviga ko‘ra bekor qilingan va u erkin agentga aylangandi.

Ma’lum bo‘lishicha, u yana Rossiyaga qaytdi va “Nefteximik” klubi bilan shartnoma imzoladi.

Mashukov birinchi davrada “Andijon” tarkibida Superliga va O‘zbekiston Kubogida 12 ta uchrashuvda maydonga tushdi va 2 ta golli pasni amalga oshirdi.