"Андижон"нинг Анталия йиғини тугади. Бугун сўнгги ўртоқлик ўйини ўтказилди

7 январь куни Туркиянинг Анталия шаҳрида янги мавсум учун тайёргарлик жараёнини бошлаган "Андижон" жамоасининг у ердаги йиғини ўз якунига етди.

Клуб матбуот хизматининг маълум қилишича, Анталиядаги сўнгги назорат учрашуви Россия премьер-лигаси иштирокчиси - “Динамо Махачкала” клубига қарши ўтказилди. Қизиқарли ўтган ўйин 1:2 ҳисобида Россия премьер лигаси жамоаси фойдасига ҳал бўлди. “Андижон”дан Маҳмуд Махамаджонов гол муаллифи бўлди ва унинг киритган голи шунчаки супер кўринишда бўлди.

Режага кўра, “Бургутлар” Анталия йиғини режалаштирган барча 10 та ўртоқлик ўйинини ўтказишди ва энди 18 февраль куни юртимизга қайтади.