"Andijon"ning ertaga nazorat o‘yini bor

“Andijon” jamoamizning Dukentdagi sport qarorgohidagi o‘quv-mashg‘ulot yig‘ini davom etmoqda.

Rejaga ko‘ra, mazkur tayyorgarlik bosqichi doirasida nazorat uchrashuvlari ham tashkil etilishi mo‘ljallangan. Shunga asosan ertaga, 18 yanvar kuni jamoamiz Jizzaxning “So‘g‘diyona” klubiga qarshi maydonga tushadi.

Ushbu o‘yin Chig‘atoy sport bazasida soat 12:00 da boshlanadi.

Eslatib o‘tamiz, jamoamiz 8 yanvar kuni “Paxtakor” U-21 jamoasiga qarshi o‘rtoqlik uchrashuvida 3:2 hisobida g‘alaba qozongan.

“Andijon” matbuot xizmati.