"Андижон"нинг янги легионери қачон келади?

Куни кеча "Андижон" жамоаси черногориялик легионер Армин Бошняк билан шартнома имзолагани ҳақида хабар бериб ўтгандик. Мухлисларни эса янги футболчини жамоага қачон қўшилиши қизиқтирмоқда.

Шуни маълум қилмоқчимизки, Армин Бошняк Черногория пойтахти Подгорицадан Истанбул томон йўлга чиқмоқда. Истанбулдан Тошкентга эса 3 август куни тонгда етиб келади.

Ҳужумкор ярим ҳимоячининг Андижонга ташрифи тушликдан кейинга режалаштирилган. Албатта, “Андижон” клуби вакиллари черногориялик футболчини Тошкент халқаро аэропортида кутиб оладилар ва Андижонга олиб келадилар.

Шу билан бирга Бошняк жамоанинг “Сурхон”га қарши учрашувдан олдинги расмий машғулотида иштирок этиши кўзда тутилган.

“Андижон” матбуот хизмати.