Андрес Иньеста Эль Классико баҳсида “Реал”га қарши майдонга тушади.

“Барселона” клуби ярим ҳимоячиси Андрес Иньеста Испания чемпионати 14-тури доирасида ўтказиладиган Эль Классико баҳсида “Реал”га қарши майдонга тушади.

Олдинроқ футболчи тиззасидан олган жароҳат сабаб, ушбу ўйинни ўтказиб юбориши мумкинлиги хабар қилинганди.

– Андрес шифокорларнинг якуний хулосасини кутаяпти. Аммо, бу шунчаки расмиятчилик учун. У тўлиқ формада ва биз билан шуғулланди. У майдонга чиқишга тайёр – дейди жамоа бош мураббийи Луис Энрике Sky нашрига берган интервюсида.