Андрей Микляев: Ўйинга шарҳ бермайман. Саволлар бўлса марҳамат

Бугун ОЧЛ-2018 4-туридан ўрин олган “Локомотив” – “Ал Духайл” учрашуви бўлиб ўтди. Унда “темирйўлчилар” ўз уйларида ҳам Қатар клубига имкониятни бой беришди – 1:2.

Учрашувдан сўнг мезбонлар устози Андрей Микляев ўйин борасида ўз фикрларини билдириб ўтди.

- Ўйинга шарҳ бермайман. Саволлар бўлса марҳамат.

“Локомотив”га нима бўлди?

- Охирги 3 мағлубиятнинг иккитаси шу жамоадан қабул қилиб олинди. Маҳорат ва жисмоний томондан қатарликлардан ортда қолдик. Теорик томондан имкониятимиз бор. Муҳаммадиев ўзини алмаштиришни сўради ва у майдонни тарк этди. Натижада иккита хато қилдик. Ютган ҳам жамоа, ютқизган ҳам жамоа. 

Нега иккинчи бўлимда ҳам ҳужумкор ўйин намойиш этилмади? 

- Чунки бутун учрашув давомида ҳужумкор ўйин намойиш этиб бўлмайди.