Англия футболи тарихида бунақаси бўлмаган эди

Англия премьер-лигасининг 20-турида “Манчестер Сити” сафар учрашувида “Вест Бромвич” жамоаси дарвозасига жавобсиз бешта тўп киритди. Кетма-кет еттинчи ғалабадан сўнг, Хосеп Гвардиола шогирдлари мусобақа жадвалида биринчи ўринга кўтарилиб олди.

Шу тариқа, АПЛда ҳеч қачон кузатилмаган вазият юзага келди. Яъни, бир мавсум давомида мусобақа жадвалини бошқарган жамоалар сони тўққизтага етди. Бунақаси аввал бўлмаган.

Жорий мавсумда Англия премьер-лигаси мусобақа жадвалида “Арсенал”, “Эвертон”, “Лестер”, “Ливерпуль”, “Саутгемптон”,  “Тоттенхэм Хотспур”, “Челси”, “Манчестер Юнайтед” ва “Манчестер Сити” жамоалари пешқадамлик қилди.

Фикрлар

Фикр қолдириш учун авторизациядан ўтинг!