Англия кубоги. "Челси" бир киши кам бўлиб қолган "Лестер"ни мағлуб этиб, ярим финалга йўл олди

Англия кубоги чорак финал босиқичидан ўрин олган "Челси" ва "Лестер" жамоалари ўртасидаги ўйин якунланди. Мазкур баҳсда "кўклар" 4:2 ҳисобида ғалаба қозониб, ярим финалга йўл олди. 

13-дақиқада мезбонлар футболчиси Кукурелья ҳисобни очди. Бўлим сўнггида Стерлингнинг узатмасидан кейин Пальмер иккинчи голни киритди. Иккинчи таймда "тулкилар" Дисасининг автоголи ва Мавидидининг голидан кейин ҳисобни тенглаштирди. 

73-дақиқада ҳакам "Лестер" футболчиси Дойлни майдондан четлатди. Баҳсга қўшиб берилган дақиқаларда Пальмернинг заргарона пасидан кейин Чуквуэмека жамоасини ҳисобда олдинга олиб чиқди.  Сўнгги сонияларда эса Мадуэке гол уриб, ўйинга нуқта қўйди.