Англиядан Рим яхши!

“Реал” тарбияланувчиси ҳисобланган Серхио Регилон фаолиятини Италия чемпионатида давом эттириш имкониятига эга бўлди.

Айни пайтда “Тоттенхэм” аъзоси ҳисобланган ҳимоячига “Лацио” оғиз солмоқда. Римликлар бу футболчидан чап қанотни кучайтиришда фойдаланмоқчи.

“Лацио” Антонио Контега керак бўлмай қолган ўйинчини олиш учун трансферларга жуда катта маблағ сарфлаётган Англия премьер-лигаси дебютанти – “Ноттингем Форест” билан рақобатлашишига тўғри келади.

“Тоттенхэм” 25 ёшли ўйинчини ижарага қўйиб юборишга рози. Бунинг учун Регилонни оладиган клуб унинг маошини тўлиқ тўлашни ўз зиммасига олиши талаб қилинади.