Angliyadan yana bir futbolchi "An-Nasr"ga o‘tishni istamoqda

"Kristal-Pelas" futbolchisi Uilfrid Zaa "An-Nasr"ga o‘tishni xohlayapti, deya xabar berdi "Daily Mail" nashri.

Manbaning ta’kidlashicha, vinger yuqori maosh tufayli shu qarorga kelgan. Uning klubi bilan amaldagi shartnomasi mavsum so‘ngida tugaydi va yangi bitim to‘g‘risida xabarlar yo‘q.

Zaa bir paytlar Angliyaning top jamoalariga o‘tishi mumkin edi. Ayni damga kelib esa u Saudiya Arabistoniga yo‘l olishni istamoqda.

Ma’lumot uchun, 30 yoshli futbolchi ushbu mavsum "Kristal Pelas" safida 20 ta o‘yinda maydonga tushib, 6 ta gol urdi va 3 ta assist amalga oshirdi.