Англиядан яна бир футболчи "Ан-Наср"га ўтишни истамоқда

"Кристал-Пэлас" футболчиси Уилфрид Заа "Ан-Наср"га ўтишни хоҳлаяпти, дея хабар берди "Daily Mail" нашри.

Манбанинг таъкидлашича, вингер юқори маош туфайли шу қарорга келган. Унинг клуби билан амалдаги шартномаси мавсум сўнгида тугайди ва янги битим тўғрисида хабарлар йўқ.

Заа бир пайтлар Англиянинг топ жамоаларига ўтиши мумкин эди. Айни дамга келиб эса у Саудия Арабистонига йўл олишни истамоқда.

Маълумот учун, 30 ёшли футболчи ушбу мавсум "Кристал Пэлас" сафида 20 та ўйинда майдонга тушиб, 6 та гол урди ва 3 та ассист амалга оширди.