Англиянинг яна бир лигаси қачон бошланиши эълон қилинди

Нуфузи жиҳатидан Англиянинг 2-даражали лигаси ҳисобланган Чемпионшипда ҳам мавсум тикланади. Британия ҳукумати футбол беллашувларини ўтказишга рухсат берганидан сўнг лига раҳбарияти мавсум 20 июндан давом эттирилишини эълон қилди.

Айтиш керакки, Чемпионшипда мавсумнинг ўтказилиши керак бўлган 108 та ўйини бор. Шундан сўнг одатдагидек 3-7 ўриндаги жамоалар ўртасида АПЛга чиқиш учун плей-офф учрашувлари бўлиб ўтади. Бу ўйинлар июль ойи охирига режалаштирилмоқда.

Чемпионшипда ҳам ўйинлар мухлисларсиз ўтказилади. Тақвим эса АПЛ билан маслаҳатлашган ҳолда тузиб чиқилади. Боиси, Премьер-лига ҳам 20 июндан тикланади.