Моуриньо: “Реал”дан биринчи шу футболчини йўқотаман!

“Бенфика” бош мураббийи Жозе Моуриньо тез орада Мадриднинг “Реал” жамоасини қабул қилади. Португалиялик мутахассис ҳозирдан Мадрид клуби таркибини ўргана бошлади.

Defensa Central нашри таниқли журналист Мигель Серраного таяниб тарқатган хабарига кўра, Жозе Моуриньо “Реал”да иш бошлаши билан Эдуарду Камавинга хизматидан воз кечади.

Манба маълумотига кўра, португалиялик мутахассис француз футболчисини сотиб юбориб, унинг ўрнига Англия Премьер-лигасини тарк этган “Вулверхэмптон”дан ярим ҳимоячи Жоао Гомесни харид қилмоқчи. Таъкидланишича, Моуриньога “ўзи тўлиқ ишонадиган футболчилар керак ва Камавинга улар қаторига кирмайди”.

Жорий мавсумда Камавинга барча мусобақаларда 43 та ўйинда қатнашиб, икки та гол ва бирта голли узатмага муаллифлик қилди. Унинг клуб билан амалдаги меҳнат шартномаси 2029 йил ёзигача мўлжалланган. Transfermarkt портали маълумотига кўра, футболчининг бозор қиймати 50 миллион еврони ташкил қилади.